ఏపీ ఫైబర్ నెట్ ను ప్రక్షాళన చేస్తున్నట్లు ఛైర్మన్ జీ.వీ.రెడ్డి తెలిపారు. ఈరోజు ఆయన విలేకరులతో మాట్లాడారు. సినీ దర్శకుడు రాంగోపాల్ వర్మ కు ఫైబర్ నెట్ నుండి అక్రమంగా డబ్బులు చెల్లించారని డబ్బును తిరిగి చెల్లించేందుకు 15 రోజుల వ్యవధి ఇచ్చామని తెలిపారు. ఆ వ్యవధిలోగా డబ్బు చెల్లించకుంటే ఆయనపై పోలీసులకు ఫిర్యాదు చేస్తామని చెప్పారు. అర్హత లేని వారిని గత ప్రభుత్వం ఫైబర్ నెట్ లో నియమించిందని గత ప్రభుత్వం నియమించిన 410 మందిని తొలగించనున్నట్లు పేర్కొన్నారు. వేతనాల పేరుతో ఫైబర్ నెట్ నుండి కోట్ల రూపాయల దుర్వినియోగం జరిగిందని మండిపడ్డారు. కక్షతో, దురుద్దేశంతో ఉద్యోగులను తొలగించడం లేదని లీగల్ నోటీసులు ఇచ్చి వివరణ కోరతామని తెలిపారు. అవసరం మేరకు ఉద్యోగులను తీసుకోనున్నట్లు స్పష్టం చేశారు.
