విపత్తు, వరద సాయం కింద 5 రాష్ట్రాలకు కేంద్ర ప్రభుత్వం నిధులు విడుదల చేసింది. ఐదు రాష్ట్రాలకు రూ. 1554.99 కోట్లు విడుదల చేసింది. ఆంధ్రప్రదేశ్, తెలంగాణ, నాగాలాండ్, ఒడిశా, త్రిపుర రాష్ట్రాలకు నిధులు మంజూరు చేసింది. అందులో భాగంగా ఆంధ్రప్రదేశ్ కు రూ. 608.08 కోట్లు, తెలంగాణకు రూ. 231. 75 కోట్లు, త్రిపురకు రూ. 288.93 కోట్లు, ఒడిశాకు రూ. 255.24 కోట్లు, నాగాలాండ్ కు రూ. 170.99 కోట్లు విడుదల చేసింది. ఈ కేటాయింపులలో ఆంధ్రప్రదేశ్ కే ఎక్కువ నిధులు మంజూరు కావడం గమనార్హం.
