ఆంధ్రప్రదేశ్ ప్రభుత్వంతో కలసి పనిచేయడం పై ప్రపంచ టెక్నాలజీ దిగ్గజం మైక్రోసాఫ్ట్ వ్యవస్థాపకుడు బిల్ గేట్స్ హార్షం వ్యక్తం చేశారు. తాజాగా జరిగిన ఒప్పందాలపై ఆయన ‘ఎక్స్’ లో పోస్ట్ చేశారు. రాష్ట్రంలో హెల్త్, అగ్రికల్చర్, ఎడ్యుకేషన్ సెక్టార్లలో నూతన ఆవిష్కరణలకు కృషి చేస్తామని వివరించారు. రానున్న కాలంలో మరిన్ని మెరుగైన సేవలు అందించాలని ఎదురుచూస్తున్నట్లు పేర్కొన్నారు. నిన్న దేశరాజధాని ఢిల్లీలో ఏపీ సీఎం చంద్రబాబు బిల్ గేట్స్ సమావేశమైన సంగతి తెలిసిందే. ఈసందర్భంగా పలు కీలక ఒప్పందాలు కుదుర్చుకున్నారు.
