తీరాన్ని తాకిన ‘ఫెంజల్’ తుఫాను

‘ఫెంజల్’ తుఫాను తీరాన్ని తాకింది. పుదుచ్చేరి దగ్గరలో ఇది తీరం దాటుతోంది. తుఫాను తీరాన్ని దాటే ప్రక్రియ దాదాపు 4 గంటలు పడుతుందని ఐఎండీ అంచనా వేసింది. గత 6 గంటలుగా గంటకు 7 కిమీ వేగంతో ఇది కదిలిందని రాత్రి 11:30 సమయానికి తీవ్ర వాయుగుండంగా బలహీనపడుతుందని వాతావరణ నిపుణులు చెబుతున్నారు. ఈ తుఫాను ప్రభావంతో తమిళనాడు, పుదుచ్చేరి, రాయలసీమ, దక్షిణ కోస్తాంధ్ర ప్రాంతాలలో భారీ వర్షాలు కురిసే అవకాశం ఉంది. భారీ గాలులు, ఆకస్మిక వరదలు వచ్చే అవకాశం ఉందని లోతట్టు ప్రాంతాల ప్రజలు అప్రమత్తంగా ఉండాలని అధికారులు సూచించారు.