ఆస్కార్ కు సంబంధించి కీలక విషయాలు వెల్లడించిన అకాడమీ

సినిమాలకు సంబంధించి ఎంతో ప్రతిష్ఠాత్మకంగా భావించే ఆస్కార్ పురస్కారాల వేడుక వివరాలను అకాడమీ తెలియజేసింది. 98వ ఆస్కార్ అవార్డుల వేడుక 2026 మార్చి 15న జరగనున్నట్లు అకాడమీ వెల్లడించింది. లాస్ ఏంజెలెస్‌లోని డాల్బీ థియేటర్ లో ఈ అవార్డుల వేడుక జరగనుండగా, జనవరి 2025 నుండి డిసెంబర్ వరకు విడుదలైన మూవీలు ఆస్కార్ పురస్కారాల కోసం పోటీ పడనున్నాయి. అయితే సంగీతం విభాగంలో మాత్రం తుది గడువు ఈ ఏడాది అక్టోబర్ 15గా నిర్ణయించడం జరిగిందని తెలిపింది. అయితే ఈసారి కొన్ని కొత్త నిబంధనలను అకాడమీ తీసుకుంటోంది. ఆస్కార్ పోటీ జాబితాను 2026 జనవరి 22న తెలుపనున్నారని అకాడమీ ఆఫ్ మోషన్ పిక్చర్స్ ఆర్ట్స్ అండ్ సైన్సెస్ తెలిపింది. పలు కేటగిరీల్లో ఓటింగ్ విధానంలో మార్పులు చేసినట్లు తెలిపింది. నామినేట్ కాబడిన ప్రతి సినిమా అకాడమీ సభ్యులు ఖచ్చితంగా చూస్తారని తెలిపింది. ఈసారి అచీవ్ మెంట్ ఇన్ కాస్టింగ్ అనే విభాగాన్ని ప్రవేశపెట్టినట్లు తెలిపింది. ఈ విభాగానికి రెండు దశల్లో ఓటింగ్ ప్రక్రియ ఉంటుందని పేర్కొంది. తుది ఓటింగ్ ముందు కాస్టింగ్ డైరెక్టర్లకు కొన్ని రౌండ్ల టెస్టింగ్ ఉంటుందని వివరించింది.
ఈసారి ఆర్టిఫీషియల్ ఇంటెలిజెన్స్ (ఏఐ) ఉపయోగించి నిర్మించిన మూవీలను కూడా పరిగణలోకి తీసుకోనున్నట్లు తెలిపింది. అయితే ఇది ఇతర మూవీలపై ప్రభావం చూపదని అకాడమీ స్పష్టం చేసింది.