‘ఘాజీ’, ”అంతరిక్షం’ , ‘ఐ.బీ.71’, వంటి విభిన్న కథాంశాలున్న సినిమాలతో ప్రేక్షకులను థ్రిల్ చేసిన డైరెక్టర్ సంకల్ప్ రెడ్డి ప్రస్తుతం మ్యాచో హీరో గోపీచంద్ తో ఒక హిస్టారికల్ బ్యాక్ గ్రౌండ్ స్టోరీతో సినిమా చేస్తున్నాడు. భారతదేశ చరిత్రలో మరిచిపోయిన చారిత్రాత్మక ఘట్టానికి సంబంధించిన కథతో రానున్నట్లు సమాచారం. తాజాగా గోపీచంద్ పుట్టినరోజు సందర్భంగా ఈ సినిమా నుంచి గ్లింప్స్ రిలీజ్ చేశారు. కొత్త గెటప్ లో గోపీ చంద్ కనిపించారు. ఇది ఆయనకు 33వ సినిమా. శ్రీనివాస సిల్వర్ స్క్రీన్ బ్యానర్ పై శ్రీనివాసా చిట్టూరి నిర్మిస్తున్నారు. త్వరలోనే ఇతర నటీనటులు సాంకేతిక నిపుణుల వివరాలు తెలుపనున్నారు.
