అంతరిక్షంలోని ఓ సుదూర ప్రాంతంలో ఓ మహా బ్రహ్మాండ జలాశయాన్ని శాస్త్రవేత్తలు ఇటీవల గుర్తించారు.ఇది భూమి నుండి 1,200 కోట్ల కాంతి సంవత్సరాల దూరంలో ఉన్న క్వాసర్‌ (బ్లాక్‌ హోల్స్‌ కలిగిన శక్తి ఉత్పత్తి కేంద్రం) చుట్టూ ఇది తిరుగుతున్నట్లు కనుగొన్నారు.ప్రస్తుతం మనం చూస్తున్న కాంతి ప్రయాణం విశ్వం పుట్టిన తర్వాత కొద్ది కాలంలోనే ప్రారంభమైందని ఈ దూరాన్ని బట్టి అర్థం చేసుకోవచ్చు.ఒక కాంతి సంవత్సరం అంటే దాదాపు 6 లక్షల కోట్ల మైళ్ల దూరం.
అయితే నాసాకు చెందిన జెట్‌ ప్రొపల్షన్‌ ల్యాబొరేటరీ ఈ జలాశయాన్ని కనుగొందని సమాచారం.భూమిపై ఉండే మహా సముద్రాల్లోని నీటి మొత్తం కన్నా ఈ మహా బ్రహ్మాండ జలాశయంలోని నీరు 140 లక్షల కోట్ల రెట్లు ఎక్కువగా ఉన్నట్లు గుర్తించారు.ఈ జలాశయం ఓ సూపర్‌మాసివ్‌ బ్లాక్‌హోల్‌ వద్ద ఉంది.ఇది సూర్యుడి కన్నా 2,000 రెట్లు పెద్దదని పరిశోధకులు వెల్లడించారు.దీని నుండి 1,000 లక్షల సూర్యులతో సమానమైన శక్తి బయటకు వస్తుందని పేర్కొన్నారు.