బహుళ ప్రయోజనాల కెన్- బెట్వా రివర్ లింకింగ్ ప్రాజెక్టుకు ప్రధాని మోడీ శంకుస్థాపన

మధ్యప్రదేశ్-ఉత్తరప్రదేశ్ లలో ప్రవహించే కెన్-బెట్వా నదుల అనుసంధాన జాతీయ ప్రాజెక్టు(కెన్- బెట్వా రివర్ నేషనల్ ప్రాజెక్టు)కు ప్రధాని మోడీ శంకుస్థాపన చేసారు. మాజీ ప్రధాని అటల్ బిహారీ వాజ్ పేయి శత జయంతిని పురస్కరించుకుని మధ్యప్రదేశ్ లోని ఖజురహోలో ఈ ప్రాజెక్టు శంకుస్థాపన కార్యక్రమం జరిగింది.
ఈ ప్రాజెక్టు ద్వారా ఈరెండు రాష్ట్రాలలో కొన్ని జిల్లాలకు ఇరిగేషన్ సౌకర్యాలు అందుబాటులోకి వచ్చి 718 లక్షల రైతుల కుటుంబాలు లబ్ధి పొందనున్నాయి. మధ్యప్రదేశ్ లోని 10 జిల్లాలకు చెందిన 44 లక్షల మందికి, ఉత్తరప్రదేశ్ లోని 21 లక్షల మందికి తాగునీటి సౌకర్యం అందనుంది‌. ఇక ఈ ప్రాజెక్టులో భాగంగా నిర్మించే హైడ్రో పవర్ ప్రాజెక్టు ద్వారా 103 మెగావాట్ల గ్రీన్ ఎనర్జీ ఉత్పత్తి చేయవచ్చు. తద్వరా కొత్త ఉపాధి అవకాశాలు ఏర్పడనున్నాయి.
ఈ ప్రాజెక్టు శంకుస్థాపన సందర్భంగా ఏర్పాటు చేసిన కార్యక్రమంలో వాజ్ పేయి శతజయంతిని సందర్భంగా స్మారక తపాలా బిళ్లను, రూ.100 నాణేన్ని ప్రధాని మోడీ విడుదల చేశారు.
1153 అటల్ గ్రామ్ సుశాన్ భవనాలకు కూడా ప్రధాని శంకుస్థాపన చేయడంతో పాటు, ఖాండ్వా జిల్లాలో ఏర్పాటు చేసిన ఓంకారేశ్వర్ ఫ్లోటింగ్ సోలార్ ప్రాజెక్టును కూడా వర్చువల్ పద్దతిలో ప్రారంభించారు.