హెచ్‌1 బీ వీసాల విస్తరణపై అవసరమైతే యుద్ధానికైనా వెనుకాడనని ప్రపంచ కుబేరుడు ఎలాన్‌ మస్క్‌ చేసిన వ్యాఖ్యలకు తాజాగా అమెరికా కాబోయే నూతన అధ్యక్షుడు డొనాల్డ్‌ ట్రంప్ నుంచి మద్దతు లభించింది. తాను ఇంతటివాడిని కావడానికి హెచ్‌-1బీ వీసానే కారణమని మస్క్‌ పోస్టు పెట్టారు. దీనిపై స్పందించిన ట్రంప్.. నైపుణ్యం కలిగిన కార్మికులు, ఉద్యోగులు అమెరికాకు రావడానికి ఉపయోగపడే ప్రత్యేక వీసా కార్యక్రమానికి (హెచ్‌-1బీ) తానెప్పుడూ అనుకూలమే అని అన్నారు.‘నాకు హెచ్‌-1బీ వీసాలపై నమ్మకం ఉంది.నేను వీటిని చాలాసార్లు ఉపయోగించాను.ఇది గొప్ప కార్యక్రమం.అందుకే దేశంలో ఈ కార్యక్రమం ఇంకా కొనసాగుతోంది’అని ట్రంప్ వ్యాఖ్యానించారు.
