ఢిల్లీ అసెంబ్లీ ఎన్నికల షెడ్యూలు ప్రకటించిన అనంతరం కేంద్ర ఎన్నికల సంఘం కమిషనర్ రాజీవ్ కుమార్ మాట్లాడుతూ…ఈవీఎంల ట్యాంపరింగ్ ఆరోపణలు ఖండించారు.ఈవీఎంలతోనే ఫలితాలు పారదర్శకంగా ఉంటాయని,ఈవీఎంల రిగ్గింగ్‌ జరిగినట్లు ఇంతవరకు ఎక్కడా నిరూపణ కాలేదని ఆయన తెలిపారు.ఈవీఎంల రిగ్గింగ్‌ సాధ్యం కాదని చెప్పారు.చీఫ్‌ ఎలక్షన్‌ కమిషనర్‌గా ఇదే తనకు చివరి ప్రెస్‌ మీట్‌ అని సీఈసీ చెప్పారు.ఓటింగ్‌ శాతంపై కొందరు అనుమానాలు వ్యక్తం చేస్తుండటంపై కూడా సీఈసీ స్పందించారు.పోలింగ్‌ రోజు సాయంత్రం 6 గంటలకు కచ్చితమైన పోలింగ్‌ శాతం వెల్లడించడం సాధ్యం కాదని అన్నారు.
