కెనడా అమెరికాలో విలీనం అయితే దిగుమతి సుంకాలు ఉండవు:- డోనాల్డ్ ట్రంప్

కెనడా ప్రధాని జస్టిన్‌ ట్రూడో రాజీనామా ప్రకటనపై అమెరికాకు కాబోయే అధ్యక్షుడు డొనాల్డ్‌ ట్రంప్‌ స్పందించారు.ఈ క్రమంలోనే ఆయన కీలక వ్యాఖ్యలు చేశారు.కెనడాను 51వ రాష్ట్రంగా చేయాలనే ప్రతిపాదనను పునరుద్ఘాటించారు.అమెరికాలో 51వ రాష్ట్రంగా ఉండటం కెనడాలో చాలా మంది ప్రజలకు ఇష్టమేనని ఆయన వ్యాఖ్యానించారు.కెనడాకు అధికంగా రాయితీలు ఇచ్చి తమ దేశం ఎక్కువ కాలం నష్టపోవాల్సిన అవసరం లేదన్నారు.ఈ విషయం కెనడా ప్రధాని ట్రూడోకు తెలుసు కాబట్టే రాజీనామా చేశారని వ్యాఖ్యానించారు.అమెరికాలో విలీనమైతే దిగుమతి సుంకాలు ఉండవని, పన్నులు తగ్గుతాయన్నారు.అంతేకాకుండా రష్యా,చైనాలకు చెందిన నౌకల నుండి ఎలాంటి ముప్పు ఉండదని ట్రంప్‌ అన్నారు.