మహా కుంభమేళాలో తొక్కిసలాట జరిగింది. మౌని అమావాస్య సందర్భంగా పుణ్యస్నానాలు ఆచరించేందుకు త్రివేణి సంగమం వద్దకు భారీగా భక్తులు తరలివచ్చారు. ఈనేపథ్యంలో భక్తుల తాకిడికి బారికేడ్లు విరగడంతో తొక్కిసలాట జరిగింది. ఈ ఘటనలో సుమారు 15 మంది మృతిచెందినట్లు సమాచారం. 30 మందికి పైగా భక్తులకు గాయాలయ్యాయని నేషనల్ మీడియాలో వార్తలు వెలువడ్డాయి. వెంటనే స్పందించిన సిబ్బంది వారిని అంబులెన్సుల్లో సమీప హాస్పిటల్స్ కు తరలించారు. తొక్కిసలాట ఘటన నేపథ్యంలో అమృతస్నానం కార్యక్రమాన్ని రద్దు చేసుకున్నట్లు అఖాడాలు ప్రకటించారు. కుంభమేళాలో తొక్కిసలాట ఘటనపై ప్రధాని నరేంద్రమోడీ ఆరా తీశారు. యూపీ సీఎం యోగి ఆదిత్యనాథ్ కు ఫోన్ చేసి పరిస్థితి గురించి అడిగి తెలుసుకున్నారు.
