ధనవంతులకు రుణమాఫీ ఎందుకు?: ఢిల్లీ మాజీ సీఎం అరవింద్ కేజ్రీవాల్

కేంద్రప్రభుత్వం బిలియనీర్లు తీసుకున్న రుణాలను మాఫీ చేస్తోందని ఆమ్ ఆద్మీ పార్టీ జాతీయ కన్వీనర్, ఢిల్లీ మాజీ సీఎం అరవింద్ కేజ్రీవాల్ ఆరోపణలు చేశారు. వారి రుణమాఫీని నిషేదించేలా దేశవ్యాప్తంగా ఒక చట్టం తీసుకురావాలని డిమాండ్ చేస్తూ ఈమేరకు ప్రధాని మోడీకి లేఖ రాశారు. ఆ రుణాల మాఫీ వల్ల ప్రజలకు జరిగే నష్టాన్ని గురించి అందులో పేర్కొన్నారు.బిలియనీర్లు తీసుకున్న రూ.వేల కోట్ల రుణాలను కేంద్రం మాఫీ చేస్తూ వారికి అనుకూలంగా వ్యవహరిస్తోందని దీని వల్ల సాధారణ ప్రజలు అధిక పన్ను భారాన్ని మోయలేకపోతున్నారని పేర్కొన్నారు. బిలియనీర్లకే లబ్ది కలుగుతోందని పౌరులు తమ ఆదాయం నుండి సగాన్ని పన్నుల రూపంలో చెల్లిస్తుంటే కేంద్రం మాత్రం ధనవంతులకు రుణాలు మాఫీ చేస్తోందని కేజ్రీవాల్ మీడియా సమావేశంలో మాట్లాడారు. సామాన్యులు తీసుకునే ఇళ్లు, వాహన ఇతర రుణాలను కేంద్రం ఎందుకు మాఫీ చేయడం లేదని ఆయన ప్రశ్నించారు బిలియనీర్ల రుణమాఫీని ఆపితేగనక సామాన్యులపై ఆదాయపు పన్ను, జీఎస్టీ రేట్ల భారాన్ని సగానికి తగ్గించొచ్చని పేర్కొన్నారు . ఇన్ కం టాక్స్ పరిమితిని రెట్టింపు చేయొచ్చు. నిత్యావసర వస్తువులపై జీఎస్టీ తొలగించొచ్చని అన్నారు.