ప్రపంచవ్యాప్తంగా ఉన్న ఇస్మాయిలీ ముస్లింల ఆధ్యాత్మిక గురువు ఇస్మాయిలీ ముస్లిముల 49వ వారసత్వ ఇమామ్ ప్రిన్స్ కరీం అల్ -హుస్సేనీ అగాఖాన్ IV మరణించారు. ఆయన మరణం పట్ల భారత ప్రధాని నరేంద్ర మోడీ సంతాపం వ్యక్తం చేశారు.ఆయన తన జీవితాన్ని సేవ మరియు ఆధ్యాత్మికతకు అంకితం చేసిన దూరదృష్టి గలవాడని కొనియాడారు . ఆరోగ్యం, విద్య, గ్రామీణాభివృద్ధి మరియు మహిళా సాధికారత వంటి రంగాలలో ఆయన చేసిన కృషి చాలా మందికి స్ఫూర్తినిస్తుందని పేర్కొన్నారు . ఆయన కుటుంబానికి మరియు ప్రపంచవ్యాప్తంగా ఉన్న లక్షలాది మంది అనుచరులు మరియు ఆరాధకులకు హృదయపూర్వక సానుభూతి తెలిపారు.
ఆయన స్విట్జర్లాండ్లో 1936 డిసెంబరు 13న జన్మించారు. విద్యార్థిగా ఉండగా 20ఏళ్లకే ఆయన తాత(ఆగాఖాన్-3) తన వారసుడిగా, ప్రపంచవ్యాప్తంగా ఉన్న ఇస్మాయిలీ ముస్లింల 49వ ఆధ్యాత్మిక గురువుగా ప్రకటించారు. ఇక 1957లో ఇంగ్లాండ్ క్వీన్ ఎలిజబెత్ ఆయనకు ‘హిజ్ హైనెస్’ బిరుదును అందజేశారు. 2015లో భారతప్రభుత్వం ఈయనకు పద్మవిభూషణ్ అవార్డుని ప్రదానం చేసింది.
