ఈశాన్య రాష్ట్రం అస్సాంలో నేటి ఉదయం భూప్రకంపనలు సంభవించాయి. వీటి తీవ్రత రిక్టార్ స్కేలుపై 5.0గా నమోదైనట్లు నేషనల్ సెంటర్ ఫర్ సిస్మాలజీ వెల్లడించింది. మోరిగావ్ ప్రాంతంలో నేటి తెల్లవారుజామున 2 గంటల 25 నిమిషాల సమయంలో భూమి కంపించినట్లు తెలిపింది. ఈ భూప్రకంపనలతో స్థానికులు భయాందోళనలకు గురై తమ నివాసాల నుండి బయటకు పరుగులు తీశారు. ఇటీవల దేశ రాజధాని ఢిల్లీలో కూడా భూప్రకంపనలు సంభవించిన సంగతి తెలిసిందే.
