భద్రతా దళాలకు ప్రత్యేక అధికారాలను ఇచ్చే సాయుధ బలగాల ప్రత్యేక అధికారాల చట్టాన్ని (AFSPA) మణిపుర్, నాగాలాండ్, అరుణాచల్ ప్రదేశాలలో 6 నెలల పాటు పొడిగిస్తున్నట్లు కేంద్ర హోంశాఖ ప్రకటించింది. ఈరోజు నుండి ఈ ఆదేశాలు అమల్లోకి రానున్నాయి. మణిపూర్ రాష్ట్రంలో ప్రస్తుత పరిస్థితుల్లో శాంతి భద్రతల పరిస్థితిని సమీక్షించిన తర్వాత శాంతి భద్రతలను నెలకొల్పాలన్న ఉద్దేశ్యంతో ఈ నిర్ణయం తీసుకుంది. 13 పోలీస్ స్టేషన్ల రేంజ్ ను మినహాయించి మణిపూర్ లో ఈ యాక్టు పూర్తిగా అమలు కానుంది. నాగాలాండ్ లోని 8 జిల్లాల్లో పూర్తిగా, ఇతర జిల్లాల్లో 21 పోలీస్ స్టేషన్లు మరియు అరుణాచల్ ప్రదేశ్ లో మూడు జిల్లాలు పూర్తిగా, మరో జిల్లాలో మూడు పోలీస్ స్టేషన్ల పరిధిలోని ప్రాంతం ఈ చట్టం రేంజ్ లో ఉండనున్నాయి. 2024 సెప్టెంబర్లో మణిపూర్ ని 6 జిల్లాల్లో ఆరు నెలల పాటు అఫ్సా విధించారు. ఇది ఈ ఏడాది మార్చి 31న ముగియనుంది. అయితే రాష్ట్రంలో కొనసాగుతున్న హింస కారణంగా మరోసారి అఫ్సా అమలు చేశారు.
