2008 ముంబై ఉగ్రదాడుల సూత్రధారి తహవూర్‌ రాణా భారత్ చేరాడు. అమెరికా నుండి అతనిని తీసుకొచ్చిన విమానం ఈరోజు మధ్యాహ్నం ఢిల్లీ ఎయిర్ పోర్ట్ లో దిగినట్లు పలు మీడియా కధనాలు వస్తున్నాయి. అక్కడ నుంచి అతనిని తీహార్ జైలుకు తరలించనున్నారని తెలుస్తోంది. నేషనల్ ఇన్వెస్టిగేషన్ ఏజెన్సీ అతనిని విచారించనున్నట్లు సమాచారం. తహవూర్‌ రాణా రాక నేపథ్యంలో ఢిల్లీలోని పలు ప్రాంతాల్లో ఇప్పటికే భద్రత పటిష్టం చేశారు. 64 ఏళ్ల రాణా ఇప్పటికే అమెరికాలో శిక్ష అనుభవిస్తున్నాడు. భారత్ ప్రభుత్వ అభ్యర్థనపై అమెరికా అతడిని అప్పగించేందుకు అంగీకరించింది.
