చైనాలో భారీ గాలులు భీభత్సం సృష్టించాయి. రాజధాని బీజింగ్ లో ఈ భారీ గాలులు ధాటికి చెట్లు నేలకొరిగాయి. దీంతో అప్రమత్తమైన చైనా దాదాపు 693 ఫ్లైట్ సర్వీసులు రద్దు చేసింది. ఈమేరకు ఇంటర్నేషనల్ మీడియా కధనాలు వస్తున్నాయి. బీజింగ్, డాక్సింగ్ లో వందలాది విమానం, రైల్వే సర్వీసులు రద్దు చేయబడ్డాయి. పార్కులను కూడా అధికారులు తాత్కాలికంగా మూసివేశారు. దేశంలోని కొన్ని ప్రాంతాల్లో 75 ఏళ్లలో ఎప్పుడూ లేనివిధంగా శక్తివంతమైన గాలులు వీచినట్లు కధనాలు పేర్కొన్నాయి. ముఖ్యంగా దేశ నార్త్, కోస్టల్ ప్రాంతాల్లో ప్రమాదకరమైన వాతావరణం ఏర్పడే అవకాశం ఉందని నిపుణులు హెచ్చరించారు. ఈ గాలుల ప్రభావం వల్ల ఫుట్ బాల్ మ్యాచ్ లు, ఇతర ముఖ్య కార్యక్రమాలకు ఆటంకం ఏర్పడింది. ప్రజలు అప్రమత్తంగా ఉండాలని ప్రభుత్వం సూచించింది.
