శబరిమలలో గోల్డ్ లాకెట్స్ విక్రయాలు ప్రారంభం… మొదటి లాకెట్ అందుకున్న ఏపీ భక్తుడు

ప్రముఖ పుణ్యక్షేత్రం శబరిమల ఆలయంలో ట్రావెన్ కోర్ దేవస్థానం బోర్డు ఆవిష్కరించిన అయ్యప్పస్వామి రూపం ఉన్న గోల్డ్ లాకెట్ల విక్రయాలు ప్రారంభమయ్యాయి. కేరళ దేవాదాయ శాఖ మంత్రి వీ.ఎన్. వాసవన్ పవిత్ర విషు పర్వదినం సందర్భంగా నిన్న ఈ కార్యక్రమం ప్రారంభించారు. ఆంధ్రప్రదేశ్ కు చెందిన భక్తుడు ఆన్ లైన్ ద్వారా మొదటి లాకెట్ ను కొనుగోలు చేశారు. శబరిమల ఆలయ గర్భగుడిలో పూజించిన ఈ లాకెట్లను దేవస్థానం భక్తులకు అమ్ముతోంది. అయ్యప్ప 2 గ్రాముల లాకెట్ రూ.19,300, 4 గ్రాముల లాకెట్ రూ.38,600, 8 గ్రాముల లాకెట్ రూ.77,200గా నిర్ణయించారు.