ఇజ్రాయెల్ – హమాస్ మ‌ధ్య గ‌తేడాది నుంచి యుద్ధం జ‌రుగుతోన్న విషయం తెలిసిందే. దీని వ‌ల్ల పశ్చిమాసియా దేశంలో ప్ర‌జ‌లు ఎన్నో ఇబ్బందులు ఎదుర్కొంటున్నారు. తమ చెరలోని బందీలకు సంబంధించిన ఓ వీడియోను ఇటీవల హమాస్ విడుదల చేసిన విషయం తెలిసిందే. దీనిపై తాజాగా అమెరికా నూత‌న అధ్యక్షుడిగా ఎన్నికైన డొనాల్డ్ ట్రంప్ ఆగ్ర‌హం వ్య‌క్తం చేశారు. మిలిటెంట్ సంస్థ‌పై తీవ్రంగా విరుచుకుప‌డ్డారు. తాను అధ్యక్షుడిగా ప‌దవీ బాధ్యతలు చేప‌ట్టే లోపు బందీలను విడుదల చేయ‌క‌పోతే న‌ర‌కం చూపిస్తాన‌ని హెచ్చ‌రించారు. ‘నేను అమెరికా అధ్యక్షుడిగా జనవరి 20న బాధ్యతలు అందుకుంటా. ఈలోపు బందీలను విడుదల చేయాలి. అలా కానీ ప‌క్షంలో ఇలాంటి హింసాత్మ‌క చ‌ర్య‌ల‌కు పాల్ప‌డేవారికి త‌ప్ప‌కుండా న‌ర‌కం చూపిస్తా. చ‌రిత్ర‌లో ఎప్పుడూ చూడ‌ని తీవ్ర ప‌రిణామాలు వాళ్లు ఎదుర్కొనేలా చేస్తా’ అని సోష‌ల్‌మీడియా వేదిక‌గా తెలిపారు.
