దేశవ్యాప్తంగా కేంద్రీయ విశ్వవిద్యాలయాలు, ఇతర విద్యాసంస్థల్లోని అండ‌ర్ గ్రాడ్యుయేట్‌ కోర్సుల్లో ప్రవేశాల కోసం నిర్వహించే ఉమ్మడి ప్రవేశ పరీక్ష (సీ.యూ.ఈ.టీ) ను వచ్చే సంవత్సరం (2025) నుండి కంప్యూటర్‌ బేస్డ్ టెస్టు (సీ.బీ.టీ) విధానంలో నిర్వహించనున్నట్లు యూజీసీ చైర్మన్‌ జగదీశ్‌ కుమార్‌ తెలిపారు. అంతేకాకుండా ఈ పరీక్షల్లో సబ్జెక్టులను 63 నుండి 37కు తగ్గిస్తున్నట్లు ఆయన పేర్కొన్నారు. ఇంతకుముందు అభ్యర్థులు గరిష్ఠంగా ఆరు సబ్జెక్టులలో పరీక్షలు రాసే వీలుండేదని ఇప్పుడు వాటిని ఐదుకు తగ్గిస్తున్నట్లు తెలిపారు.
