వెంటిలేటర్ పై ఉన్న రాష్ట్రానికి ప్రధాని మోడీ ఆక్సిజన్ అందించారు: మంత్రి నారా లోకేష్

విశాఖపట్నం లోని ఏయూ ఇంజినీరింగ్ గ్రౌండ్ మైదానంలో ప్రధానమంత్రి నరేంద్ర మోడీ, ఏపీ సీఎం చంద్రబాబు, డిప్యూటీ సీఎం పవన్ కళ్యాణ్ పాల్గొన్న సభలో మంత్రి నారా లోకేష్ పాల్గొని మాట్లాడారు. ఈ రోజు చరిత్రలో నిలిచిపోయే రోజు. రూ.2 లక్షల కోట్ల విలువైన ప్రాజెక్ట్ లకు ప్రధాని మోడీ శంకుస్థాపన చేయబోతున్నారని రాష్ట్ర ప్రజల తరుపున ప్రధానికి ధన్యవాదాలు తెలిపారు. రాష్ట్రంలో ఎన్ని ఆర్ధిక ఇబ్బందులు ఉన్నా, ఇచ్చిన ప్రతి హామీని చంద్రబాబు గారు నెరవేర్చుతున్నారని వివరించారు. ఒకేసారి వెయ్యి పెన్షన్ పెంచారు, మూసేసిన అన్న క్యాంటీన్లు మళ్ళీ ప్రారంభించారు, దీపం పధకం కింద ఉచిత సిలిండర్లు ఇస్తున్నారని అలాగే త్వరలోనే మిగతా హామీలు కూడా అమలు చేస్తున్నారని తెలిపారు. గత ప్రభుత్వ అసమర్ధ పాలన వల్ల రాష్ట్రం వెంటిలేటర్ పైకి వెళ్ళిపోయిందని అన్నారు. ప్రతి నెల రూ.4 వేల కోట్ల లోటుతో రాష్ట్రం నడుస్తుందని వెంటిలేటర్ పై ఉన్న రాష్ట్రానికి ప్రధాని మోడీ ఆక్సిజన్ అందించారని కొనియాడారు.