పాత బాధలు పోయి సానుకూల దృక్పథంతో జీవితంలో ముందుకు సాగాలి: ఏపీ సీఎం చంద్రబాబు

రాష్ట్ర ప్రజలందరికి ఏపీ సీఎం చంద్రబాబు భోగి పండుగ శుభాకాంక్షలు తెలిపారు. పవిత్రమైన ఈ భోగి పండుగ మీకు, మీ కుటుంబానికి కొత్త వెలుగులు తేవాలని, పాత బాధలు పోయి సానుకూల దృక్పథంతో జీవితంలో ముందుకు సాగాలని మనస్ఫూర్తిగా కోరుకుంటున్నట్లు తెలిపారు. భోగి మంటలతో మీ సమస్యలన్నీ తీరిపోయి అందరికీ భోగ భాగ్యాలు కలగాలని ఆకాంక్షించారు. మీ ఆశలు, ఆశయాలూ తీర్చడానికి ప్రజాప్రతినిధులుగా మేం అన్ని వేళలా మీతోనే ఉంటామని ఈ సందర్భంగా హామీ ఇచ్చారు. మీ అందరికి మరొక్క మారు భోగి పండుగ శుభాకాంక్షలంటూ ఆయన ‘ఎక్స్’ లో పోస్ట్ చేశారు.