ఏపీ సీఎం చంద్రబాబు ఆయన కుటుంబ సభ్యులు నారావారిపల్లెలో ప్రజలతో కలిసి సంక్రాంతి సంబరాల్లో పాల్గొన్నారు. మహిళల ముగ్గుల పోటీలు, చిన్నారుల ఆటల పోటీలు తిలకించి, విజేతలకు బహుమతులు అందించారు. నారావారిపల్లెలోని తన స్వగృహం వద్ద ప్రజల నుండి సీఎం చంద్రబాబు అర్జీలు స్వీకరించారు. ఇక పలు అభివృద్ధి కార్యక్రమాలకు కూడా ప్రారంభించారు. సూక్ష్మ సాగు పధకాన్ని ప్రారంభించారు. రూ.2 కోట్లతో రంగంపేటలో రహదారుల నిర్మాణానికి శంకుస్థాపన చేశారు. రూ.కోటితో జడ్పీ హైస్కూల్ అభివృద్ధికి భూమిపూజ నిర్వహించారు. నారావారిపల్లెలో రూ.3 కోట్లతో విద్యుత్ ఉపకేంద్రం నిర్మాణానికి శంకుస్థాపన చేశారు. మహిళా సంఘాలకు తక్కువ ధరకు, నాణ్యమైన నిత్యావసరాల చేరవేతకు ఈజీ మార్ట్ సంస్థతో ఒప్పందం కుదుర్చుకున్నారు. దీని ద్వారా ఆన్లైన్లో ద్వారా మహిళా సంఘాలకు సరకులు అందనున్నాయి. నారావారిపల్లెలో మహిళలకు చంద్రబాబు ఎలక్ట్రిక్ ఆటోలు పంపిణీ చేశారు.
