తెలంగాణలో బీసీలకు రిజర్వేషన్లు కల్పిస్తూ ముఖ్యమంత్రి రేవంత్ రెడ్డి తీసుకొచ్చిన బిల్లును సినీ నటుడు సుమన్ ప్రశంసించారు. అసెంబ్లీలో బీసీ రిజర్వేషన్ల బిల్లు ఆమోదం పొందడమే రేవంత్ రెడ్డి నిజమైన నాయకుడని ఆయన వ్యాఖ్యానించారు. విద్య, ఉద్యోగాలు, రాజకీయాల్లో 42% రిజర్వేషన్లు అమలు చేయనున్నందుకు హర్షం వ్యక్తం చేశారు.ఈ నేపథ్యంలో ఢిల్లీలో జంతర్ మంతర్ వద్ద జరుగుతున్న బీసీ పోరు గర్జన సభకు ఆయన సంఘీభావం తెలిపారు.బీసీ సంక్షేమ సంఘం ఆధ్వర్యంలో జరుగుతున్న దీక్షలో పాల్గొన్న సుమన్, బీసీలంతా రేవంత్ రెడ్డికి మద్దతుగా ఉన్నారని స్పష్టం చేశారు.
ఏజెన్సీ ప్రాంతాల్లోని బీసీలు, గౌడల కోసం ఎస్టీ హోదా కల్పించాలని సీఎం రేవంత్‌కు విజ్ఞప్తి చేశారు. గత ప్రభుత్వాలు దీనిపై చర్యలు తీసుకోకపోయినా, రేవంత్ రెడ్డి ఈ డిమాండ్‌ను నెరవేరిస్తే ఆయన బీసీ వర్గాల పాలిట దేవుడిగా మారతారని అభిప్రాయపడ్డారు. అంతేకాదు, దేశవ్యాప్తంగా బీసీ రిజర్వేషన్లు అమలు చేయాలని ప్రధాని నరేంద్ర మోదీకి కూడా సుమన్ విజ్ఞప్తి చేశారు.