భారత క్రికెట్ కు ఎనలేని సేవలందించిన దిగ్గజం క్రికెట్ ప్రపంచానికి పరిచయం అవసరంలేని పేరు మాస్టర్ బ్లాస్టర్‌ సచిన్ రమేష్ టెండూల్కర్. తన కెరీర్ లో ఎన్నో రికార్డులు, అవార్డులు, మైలు రాళ్లు ఎవరూ అందుకోలేనన్ని పరుగులు, ప్రశంసలు ఉన్నాయి. తాజాగా మరో ప్రతిష్టాత్మక అవార్డును సచిన్ అందుకోనున్నారు. ఈమేరకు రేపు బీసీసీఐ సత్కరించనుంది. రేపు జరగనున్న వార్షికోత్సవంలో ‘లైఫ్‌టైమ్ అచీవ్‌మెంట్ పురస్కారం’ అందజేయనున్నట్లు బీసీసీఐ వర్గాలు తెలిపాయి. ‘సీకే నాయుడు లైఫ్‌టైమ్ అచీవ్‌మెంట్ ఆఫ్ ది ఇయర్-2024’ అవార్డును సచిన్‌కు ప్రదానం చేయనున్నట్లు బీసీసీఐ వర్గాలు పేర్కొన్నాయి. భారత క్రికెట్‌కు సచిన్ ఎన్నో సేవలు అందించారని బీసీసీఐ వర్గాలు తెలిపాయి.సీకే నాయుడు లైఫ్‌టైమ్ అచీవ్‌మెంట్ ఆఫ్ ది ఇయర్ అవార్డును స్వీకరించబోయే 30వ భారత క్రికెటర్ సచిన్ టెండూల్కర్. గత ఏడాది మాజీ కోచ్ రవిశాస్త్రి, మాజీ క్రికెటర్ ఫరూక్ ఇంజినీర్‌కు ఈ అవార్డును ప్రదానం చేశారు.
సీకే నాయుడు లైఫ్‌టైమ్ అచీవ్‌మెంట్ అవార్డు అందుకోనున్న క్రికెట్ దిగ్గజం సచిన్
By admin1 Min Read
