భారత్ ఇంగ్లాండ్ జట్ల మధ్య మూడు వన్డేల సిరీస్ లో భాగంగా నేడు అహ్మదాబాద్ వేదికగా జరుగుతున్న మూడో వన్డేలో భారత యువ ఓపెన‌ర్‌ శుభ‌మ‌న్ గిల్ శతకంతో అదరగొట్టాడు. ఈక్రమంలో తన ఖాతాలో స‌రికొత్త రికార్డు కూడా చేరింది. వ‌న్డేల్లో అత్యంత వేగంగా 2,500 ప‌రుగులు చేసిన బ్యాట‌ర్‌గా నిలిచాడు. 50 ఇన్నింగ్స్ లో గిల్ ఈ అరుదైన మైలురాయిని సాధించ‌డం విశేషం.ఇక ఈ మ్యాచ్ లో టాస్ ఓడి ఫ‌స్ట్ బ్యాటింగ్ చేస్తున్న భారత జ‌ట్టు ప్రారంభంలోనే కెప్టెన్ రోహిత్ శ‌ర్మ (1) వికెట్ కోల్పోయిన ఆ త‌ర్వాత పుంజుకుంది. కోహ్లీ హాఫ్ సెంచరీతో (52) ఆకట్టుకున్నాడు. అలాగే గిల్ ఈ సిరీస్ లో వ‌రుస‌గా మూడో హాఫ్ సెంచ‌రీ న‌మోదు చేశాడు. ఇక ఇప్పటికే మొదటి రెండు మ్యాచ్ లలో గెలిచి సిరీస్ ను భారత్ కైవసం చేసుకున్న సంగతి తెలిసిందే.
