ఐపీఎల్ లో కోల్ కతా నైట్ రైడర్స్ జట్టు అద్భుతమైన ఘనత సాధించింది. తాజాగా సన్రైజర్స్ హైదరాబాద్ జరిగిన మ్యాచ్ లో కేకేఆర్ 80 పరుగుల తేడాతో విజయం సాధించింది. ఈక్రమంలో కేకేఆర్ అరుదైన రికార్డును తానే ఎకౌంట్ లో వేసుకుంది. ఐపీఎల్ చరిత్రలో ఇప్పటివరకు 3 జట్లపై 20 అంతకంటే ఎక్కువ విజయాలను నమోదు చేసిన తొలి టీమ్ గా కేకేఆర్ అవతరించింది. సన్ రైజర్స్ హైదరాబాద్ పై 20, రాయల్ ఛాలెంజర్స్ బెంగళూరుపై 20, పంజాబ్ కింగ్స్ పై 21 మ్యాచుల్లో కోల్ కతా గెలిచింది.
