ప్రపంచకప్ షూటింగ్ ఛాంపియన్ షిప్ స్టేజ్-2లో భారత్ మెడల్స్ ఖాతా తెరిచింది. పురుషుల 10మీటర్ల ఎయిర్ పిస్టల్ విభాగంలో సౌరభ్ చౌదరి బ్రాంజ్ మెడల్ కైవసం చేసుకున్నాడు. ఫైనల్ లో సౌరభ్ 219.1పాయింట్లతో మూడవ స్థానంలో నిలిచాడు. చైనాకు చెందిన కయ్ హో 246.4 పాయింట్లతో ఈ విభాగంలో గోల్డ్ మెడల్ సాధించాడు. బ్రెజిల్ కు చెందిన అల్మిడా 241.0తో ద్వితీయ స్థానంలో నిలిచి సిల్వర్ గెలుచుకోగా.. మరో భారత షూటర్ వరుణ్ తోమర్ 198.1తో నాలుగో స్థానంతో సరిపెట్టుకున్నాడు.
