ఐపీఎల్ సీజన్ 18 లో భాగంగా గుజరాత్ టైటాన్స్ ఢిల్లీ క్యాపిటల్స్ జట్ల మధ్య అహ్మదాబాద్ వేదికగా జరిగిన మ్యాచ్ లో గుజరాత్ టైటాన్స్ పైచేయి సాధించింది.గుజరాత్ టైటాన్స్ మ్యాచ్ లో టాస్ గెలిచి మొదట బౌలింగ్ ఎంచుకుంది. దీంతో మొదట బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 8 వికెట్ల నష్టానికి 203 పరుగులు చేసింది. అక్షర్ పటేల్ 39(32; 1×4, 2×6), అశుతోష్ శర్మ 37 (19; 2×4, 3×6), స్టబ్స్ 31 (21; 2×4, 1×6), కరుణ్ నాయర్ 31 (18; 2×2, 2×6), కే.ఎల్.రాహుల్ 28 (14; 4×4, 1×6) పరుగులు చేశారు. గుజరాత్ బౌలర్లలో ప్రసీద్ కృష్ణ 4 వికెట్లు, ఇషాంత్ శర్మ, సాయి కిషోర్, సిరాజ్, అర్షద్ లు ఒక్కో వికెట్ తీశారు. అనంతరం గుజరాత్ టైటాన్స్ లక్ష్యాన్ని 19.2 ఓవర్లలోనే కేవలం 3 వికెట్లు మాత్రమే కోల్పోయి ఛేదించింది. జాస్ బట్లర్ 97 నాటౌట్ (54; 11×4, 4×4), రూథర్ ఫోర్డ్ 43 (34; 1×4, 3×6), సాయి సుదర్శన్ 36 (21; 5×4, 1×6) పరుగులు చేశారు. దీంతో గుజరాత్ టైటాన్స్ 7 వికెట్ల తేడాతో విజయం సాధించింది.
