నేటి నుండి ప్రతిష్టాత్మక దేశవాళీ వన్డే టోర్నీ విజయ్ హాజారే టోర్నీ ప్రారంభం కానుంది. భారత జట్టులో స్థానం కోసం యువ క్రీడాకారులు దీనిని సద్వినియోగం చేసుకోవాలనే ఉద్దేశంతో బరిలోకి దిగుతున్నారు. ఇక ఈ టోర్నీలో శ్రేయాస్ అయ్యర్, మహ్మద్ షమీ, హార్దిక్ పాండ్య, తిలక్ వర్మ, వరుణ్ చక్రవర్తి, రవి బిష్ణోయ్ వంటి అంతర్జాతీయ స్టార్ ప్లేయర్లు ఈ టోర్నీ లో ఆడుతున్నారు. 50 ఓవర్ల ఫార్మాట్ లో తమ ప్రతిభ చూపించుకునేందుకు ఈ ఫార్మాట్ యువ క్రీడాకారులకు ఉపయోగపడనుంది. మరో రెండు నెలల్లో ఛాంపియన్స్ ట్రోఫీ కూడా ఉండడంతో ఇందులో రాణించి జట్టులో స్థానం సంపాదించాలని పలువురు క్రికెటర్లు పోటీపడుతున్నారు.
