ఆంధ్రప్రదేశ్ రాష్ట్రంలో స్థిరాస్తి రంగం మరింత అభివృద్ధి చెందే విధంగా రెరా నిబంధనలు మరింత సులభతరం చేసేందుకు త్వరలో ప్రత్యేక కమిటీ ఏర్పాటు చేయనున్నట్లు పురపాలక, పట్టణాభివృద్ధి శాఖ మంత్రి నారాయణ తెలిపారు. ఏపీరెరా (APRERA) పెండింగ్ దరఖాస్తులపై స్పెషల్ డ్రైవ్ నిర్వహించి నేరుగా బిల్డర్లు, డెవలపర్లు, మరియు ప్రజల నుండి మంత్రి వినతులు స్వీకరించారు. అనంతరం మున్సిపల్ శాఖ కార్యదర్శి కన్నబాబు, రెరా అధికారులతో కలిసి పెండింగ్ అప్లికేషన్ల పరిష్కారానికి పలు సూచనలు ఇచ్చారు.
