భారతదేశానికి ఉన్న ఘనమైన సాంస్కృతిక వారసత్వ సంపద ప్రపంచానికి ఎప్పటికప్పుడు స్ఫూర్తినిస్తూనే ఉందని కాంగ్రెస్ అగ్రనేత రాహుల్ గాంధీ అన్నారు. చరిత్రలో తమిళనాడు పాత్ర దేశ ఐక్యతను, ఆలోచనా విధానాన్ని ప్రతిబింబిస్తుందని పేర్కొన్నారు. తమిళనాడులో ఇటీవలి పురావస్తు పరిశోధనలు 5,300 సంవత్సరాల క్రితం ఇనుము వాడకాన్ని వెల్లడిస్తున్నాయి, ఇనుప యుగంలో భారతదేశం యొక్క ప్రారంభ పురోగతిని సూచిస్తోందని పేర్కొన్నారు. ఇనుపయుగం తమిళనాడులోనే మొదలైందన్న స్టాలిన్ వ్యాఖ్యలపై ఆయన ఈ మేరకు సోషల్ మీడియా ‘ఎక్స్’ వేదికగా స్పందించారు.
