ఈరోజు ట్రేడింగ్ లో దేశీయ స్టాక్ మార్కెట్లు లాభాల్లో ముగిశాయి. బ్యాంకింగ్ షేర్లు రాణించడం మార్కెట్లకు కలిసొచ్చింది. ఇటీవల కాలంలో మార్కెట్లు భారీ నష్టాలలో పయనించిన నేపథ్యంలో ఇన్వెస్టర్లు కొనుగోళ్లకు మొగ్గు చూపడం కూడా సూచీలు జోరును పెంచినట్లు నిపుణులు చెబుతున్నారు. బాంబే స్టాక్ ఎక్స్ చేంజ్ సూచీ సెన్సెక్స్ 535 పాయింట్లు లాభపడి 75,901 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ 128 పాయింట్ల లాభంతో 22,957 వద్ద ముగిసింది. డాలరుతో రూపాయి మారకం విలువ 86.56గా కొనసాగుతోంది. సెన్సెక్స్ లో యాక్సిస్ బ్యాంకు, బజాజ్ ఫైనాన్స్, బజాజ్ ఫిన్ సర్వ్, టాటా మోటార్స్, హెచ్.డి.ఎఫ్.సి బ్యాంక్ షేర్లు లాభాలతో ముగిశాయి.
