ప్రముఖ నటుడు సోనుసూద్ పై అరెస్ట్ వారెంట్ జారీ అయ్యింది.మోసం కేసులో వాంగ్మూలం ఇవ్వడానికి హాజరుకాలేని కారణంగా పంజాబ్‌లోని లుథియానా కోర్టు ఈ ఉత్తర్వులను విడుదల చేసింది.అయితే ముంబయిలోని అంధేరి వెస్ట్‌ ప్రాంతంలోని ఒషివారా పోలీస్‌ స్టేషన్‌కు,లుథియానా జ్యుడీషియల్ మెజిస్ట్రేట్ రమన్‌ప్రీత్ కౌర్ అరెస్ట్ వారెంట్‌ను జారీ చేశారు.లుథియానా కి చెందిన న్యాయవాది రాజేష్ ఖన్నా,మోహిత్ శర్మ అనే వ్యక్తి తనను ₹10 లక్షలు మోసం చేశాడని కోర్టులో ఫిర్యాదు చేశారు.రిజికా కాయిన్ పేరుతో పెట్టుబడి పెట్టించారని తన వాదన.ఈ కేసులో సోనూసూద్‌ను సాక్షిగా పేర్కొన్నారు.విచారణ చేపట్టిన కోర్టు సోనూసూద్‌ పై నాన్-బెయిలబుల్ అరెస్ట్ వారెంట్ జారీ చేసింది.పలుమార్లు సమన్లు పంపించినప్పటికీ,ఆయన హాజరుకాలేదు.దీనితో వెంటనే అరెస్టు చేసి కోర్టులో ప్రవేశపెట్టాలని మెజిస్ట్రేట్ ఉత్తర్వుల్లో పేర్కొన్నారు.ఈ కేసులో తదుపరి విచారణ ఈ నెల 10న జరగనుంది.
