ప్రముఖ సినీ సంగీత దర్శకుడు థమన్ ఆంధ్రప్రదేశ్ ముఖ్యమంత్రి చంద్రబాబుని కలిశారు. వీరితో పాటు చంద్రబాబు సతీమణి నారా భువనేశ్వరి కూడా ఉన్నారు. ఈ సందర్భంగా థమన్ ను చంద్రబాబు సత్కరించారు. ఇందుకు సంబంధించిన ఫొటోలను సోషల్ మీడియాలో థమన్ పంచుకున్నారు. విజనరీ లీడర్, మన గౌరవ ముఖ్యమంత్రి చంద్రబాబు గారిని కలిసిన ఈరోజు ఎప్పటికీ గుర్తుండిపోతుందని పేర్కొన్నారు. తలసేమియా బాధితులకు సాయం అందించేందుకు ఫండ్ రైజింగ్ కోసం ఎన్టీఆర్ ట్రస్ట్ భవన్ ఆధ్వర్యంలో ఈ నెల 15న విజయవాడలోని ఇందిరాగాంధీ స్టేడియంలో థమన్ ఆధ్వర్యంలో యుఫోరియా మ్యూజికల్ నైట్ జరగనుంది. ఈ మ్యూజికల్ నైట్ కోసం పూర్తి సేవా థృక్పథంతో తమన్ తన వంతు సేవా దృక్పథంతో పనిచేస్తున్నారు. ఈ నేపథ్యంలోనే చంద్రబాబును థమన్ కలిశారు. థమన్ చేస్తున్న మంచి పనిని సీఎం చంద్రబాబు అభినందించారు.
