ఆర్థిక మోసాల‌కు చెక్ పెట్టేందుకు భారతీర రిజ‌ర్వ్ బ్యాంక్ (ఆర్బీఐ) తాజాగా కీలక నిర్ణయం తీసుకుంది. మనదేశ బ్యాంకుల వెబ్ డొమైన్ ఇక నుండి బ్యాంక్.ఇన్ ఆని క‌లిగి ఉండాల‌ని, అలాగే నాన్ బ్యాంకింగ్ ఫైనాన్షియల్ సంస్థ‌ల‌కు ఫిన్‌.ఇన్ డొమైన్ ఉండాల‌ని సూచించింది. డిజిట‌ల్ లావాదేవీలులో మోసాలు పెరుగుతున్న నేపథ్యంలో బ్యాంకులు, ఫైనాన్షియల్ సంస్థ‌ల‌పై విశ్వాసం పెంచే ఉద్దేశంతో ఈ నిర్ణయం తీసుకున్నట్లు ఆర్బీఐ గ‌వ‌ర్న‌ర్ సంజ‌య్ తెలిపారు. ఈ ఏప్రిల్ నుండి బ్యాంక్.ఇన్ రిజిస్ట్రేష‌న్ ప్ర‌క్రియ ప్రారంభం కానున్నట్లు తెలిపారు. ఆ త‌ర్వాత ఫిన్‌.ఇన్ రిజిస్ట్రేష‌న్లు ఉండనున్నట్లు గ‌వ‌ర్న‌ర్ పేర్కొన్నారు. ఇన్‌స్టిట్యూట్ ఫ‌ర్ డెవ‌ల‌ప్‌మెంట్ అండ్ రీసెర్చ్ ఇన్ బ్యాంకింగ్ టెక్నాల‌జీ (ఐడీఆర్‌బీటీ) దీనికి రిజిస్ట్రార్‌గా వ్య‌వ‌హ‌రించనుంది.
