ఢిల్లీ అసెంబ్లీ ఎన్నికల్లో బీజేపీ ఘన విజయం సాధించింది. 27 సంవత్సరాల తరువాత ఢిల్లీ అధికార పీఠాన్ని కైవసం చేసుకుని సత్తా చాటింది. ఆ పార్టీ 47 స్థానాల్లో గెలిచి అధికారం చేపట్టి బోతోంది. ఈ నేపథ్యంలో ప్రధాని మోడీ బీజేపీ విజయంపై స్పందించారు. ఈమేరకు ఆయన ‘ఎక్స్’ లో పోస్ట్ చేశారు.
జనశక్తి ప్రధానం! అభివృద్ధి, సుపరిపాలనకు ప్రజలు విజయాన్ని అందించారని తెలిపారు. ఈ చారిత్రాత్మక విజయం అందించిన ఢిల్లీలోని నా ప్రియమైన సోదరీమణులు మరియు సోదరులకు కృతజ్ఞతలు తెలిపారు. ఈ ఆశీర్వాదాలు పొందడం ఎంతో గౌరవంగా భావిస్తున్నట్లు తెలిపారు. ఢిల్లీని అభివృద్ధి చేయడంలో, ప్రజల జీవన ప్రమాణాలను మెరుగుపరచడంలో అలాగే వికసిత్ భారత్‌ను నిర్మించడంలో ఢిల్లీ ప్రధాన పాత్ర పోషించేలా చేయడానికి కృషి చేయనున్నట్లు స్పష్టం చేశారు. ఈ అద్భుతమైన ఫలితానికి కష్టపడి పనిచేసిన బీజేపీ కార్యకర్తలను అభినందించారు.
