ప్రపంచ ప్రఖ్యాతిగాంచిన పుణ్యక్షేత్రం తిరుపతి లో నేటి నుండి మూడు రోజుల పాటు టెంపుల్ ఎక్స్ పో 2025 జరగనుంది. ఈనేపథ్యంలో రాష్ట్రాల ముఖ్యమంత్రులు పర్యటించనున్నారు. ఆంధ్రప్రదేశ్ ముఖ్యమంత్రి చంద్రబాబు నాయుడు, గోవా ముఖ్యమంత్రి ప్రమోద్ సావంత్, మహారాష్ట్ర ముఖ్యమంత్రి దేవేంద్ర ఫడ్నవీస్ ఈ కాన్ఫరెన్స్ ను ప్రారంభించనున్నారు. ఈ ఇంటర్నేషనల్ కాన్ఫరెన్స్ లో భాగంగా ఆలయాలపై చర్చలు, వర్క్ షాప్ లు నిర్వహించనున్నారు. దాదాపు 58 దేశాలలోని 1500కు పైగా భక్తి సంస్థల భాగస్వామ్యంతో ఈ ఇంటర్నేషనల్ టెంపుల్స్ కన్వెన్షన్ అండ్ ఎక్స్ పో మహాకుంభ్ ఆఫ్ టెంపుల్స్ గా తిరుపతిలోని ఆశా కన్వెన్షన్ లో జరగనుంది.
