రాష్ట్ర సచివాలయంలో డీజీపీ హరీష్ కుమార్ గుప్తా, ఇతర పోలీస్ ఉన్నతాధికారులతో ఏపీ హోం మంత్రి వంగలపూడి అనిత సమీక్ష నిర్వహించారు. బడ్జెట్ ప్రాధాన్యతలకు సంబంధించిన అంశాలపైన ఈసందర్భంగా చర్చించారు. రాష్ట్రంలో మహిళలలు, చిన్నారుల రక్షణ, తీసుకోవాల్సిన చర్యలపై కూడా చర్చించారు. హెల్ప్ డెస్కుల ఏర్పాటుపై అధికారులకు దిశానిర్దేశం చేశారు. మహిళా దినోత్సవమైన మార్చి 8 నాటికి ముఖ్యమంత్రి చంద్రబాబు చేతుల మీదుగా మహిళల రక్షణ కోసం ప్రత్యేక యాప్ రూపకల్పన ప్రారంభించే విధంగా చర్యలు చేపట్టాలని ఈసందర్భంగా ఆదేశించారు.
