అమెరికా ప్రెసిడెంట్ డొనాల్డ్ ట్రంప్ హమాస్ కు హెచ్చరించారు హామాస్ ఆధీనంలో ఉన్న మిగిలిన బందీలను వెంటనే విడుదల చేయకపోతే గాజాను నాశనం చేస్తామని సీరియస్ వార్నింగ్ ఇచ్చారు. సోషల్ మీడియా వేదిక “ట్రూత్” లో ఆయన దీనిపై స్పందించారు. బందీలను హమాస్ వెంటనే విడుదల చేయాలని అన్నారు. అలాగే మరణించిన వారి మృతదేహాలను అప్పగించాలని పేర్కొన్నారు. లేకపోతే తీవ్ర పరిణామాలను ఎదుర్కొనాల్సివస్తుందని హెచ్చరించారు. ఇందుకోసం ఇజ్రాయెల్ కు కావాలిసిన ప్రతిదాన్ని పంపనున్నట్లు పేర్కొన్నారు . హమాస్ కు చెందిన ఎవరూ సురక్షితంగా ఉండరని హెచ్చరించారు. ఇదే వారికి చివరి హెచ్చరిక అని గాజా ప్రజల కోసం అందమైన భవిష్యత్తు ఎదురుచూస్తోందని హామాస్ గాజాను వదిలిపెట్టాలని తీవ్ర హెచ్చరికలు పంపారు.
