అమెరికా ప్రెసిడెంట్ డొనాల్డ్ ట్రంప్ మరో సంచలన నిర్ణయం తీసుకున్నారు. రెండోసారి అమెరికా అధ్యక్షుడిగా బాధ్య‌త‌లు చేప‌ట్టిన త‌ర్వాత అక్ర‌మ‌వ‌ల‌స‌దారుల‌పై ఉక్కుపాదం మోపిన ట్రంప్ సర్కారు ఇప్పుడు దేశంలో తాత్కాలిక నివాస హోదాను ర‌ద్దు చేస్తున్న‌ట్లు ప్ర‌క‌టించారు. ఈ నిర్ణ‌యంతో క్యూబా, హైతీ, నిక‌రాగ్వా, వెనిజులా దేశాలకు చెందిన దాదాపు 5.30 ల‌క్ష‌ల మంది పౌరులపై ప్రభావం పడనుంది. దాదాపు ఒక నెలలో వారిని దేశం నుండి బహిష్కరించే అవకాశం ఉందని హోంల్యాండ్ సెక్యూరిటీ విభాగం తాజాగా తెలిపింది. ఈ ఆర్డర్ 2022 అక్టోబర్ నుండి అమెరికాకు వచ్చిన నాలుగు దేశాలకు చెందిన దాదాపు 5,32,000 మందికి వర్తిస్తుంద‌ని హోంల్యాండ్ సెక్యూరిటీ కార్యదర్శి క్రిస్టి నోయెమ్ వెల్లడించారు. ఏప్రిల్ 24తో వారి లీగ‌ల్ స్టేట‌స్ ర‌ద్ద‌వుతుంద‌ని పేర్కొన్నారు. ఫెడరల్ రిజిస్టర్‌ లో నోటీసు ప్రచురించబడిన 30 రోజుల అనంతరం వారు తమ చట్టపరమైన హోదాను కోల్పోతారని వివరించారు. అయితే, యుద్ధం లేదా ఇత‌ర కార‌ణాల‌తో అనిశ్చితి నెల‌కొన్న దేశాలకు చెందిన పౌరుల‌కు ఈ హోదా ద్వారా అమెరికాలో తాత్కాలిక నివాసం కల్పించనున్నారు.
తాత్కాలిక నివాస హోదాను ర‌ద్దు చేస్తూ ట్రంప్ మరో సంచలనం నిర్ణయం
By admin1 Min Read
