ఆంధ్రప్రదేశ్‌ రాష్ట్రంలో మొదటి బర్డ్‌ఫ్లూ మరణం నమోదైంది. హెచ్5ఎన్1 వైరస్ బారినపడి రెండేళ్ల చిన్నారి మరణించడం తీవ్ర విషాదం కలిగించిందో. గుంటూరు జిల్లా నరసరావుపేటలో ఈ విషాద ఘటన చోటుచేసుకుంది. పట్టణంలోని బాలయ్యనగర్‌కు చెందిన జ్యోతి అనే చిన్నారి (2) బర్డ్‌ఫ్లూతో ప్రాణాలు కోల్పోయినట్టు జిల్లా వైద్య ఆరోగ్య శాఖాధికారులు ధ్రువీకరించారు. అనారోగ్యానికి గురైన చిన్నారిని కుటుంబ సభ్యులు ఆమెను మంగళగిరిలోని ఎయిమ్స్‌ లో చేర్పించారు. అక్కడ చికిత్స పొందుతూ వారం రోజుల క్రితం మృతి చెందింది. కాగా, ఆమెలో బర్డ్ ఫ్లూ లక్షణాలు కనిపించడంతో అనుమానించిన డాక్టర్ లు నమూనాలను పూణెలోని వైరాలజీ ల్యాబ్‌కు పంపారు. తాజాగా, ఈ పరీక్షలకు సంబంధించిన నివేదిక హాస్పిటల్ కు అందింది. పరీక్షల్లో జ్యోతికి బర్డ్ ఫ్లూ సోకినట్టు నిర్ధారణ అయినట్టు వైద్యాధికారులు తెలిపారు.
