దేశీయ స్టాక్ మార్కెట్ల వరుస లాభాలకు బ్రేక్ పడింది. వరుసగా 7 సెషన్లలో లాభాలతో దూసుకెళ్లిన సూచీలు నేటి ట్రేడింగ్ లో నష్టాలతో ముగించాయి. వరుస లాభాల నేపథ్యంలో ఇన్వెస్టర్లు లాభాల స్వీకరణకు మొగ్గు చూపడం, అంతర్జాతీయ మార్కెట్ల బలహీన సంకేతాలతో సూచీలు నష్టాల బాటలో పయనించాయి. బాంబే స్టాక్ ఎక్స్ చేంజ్ సూచీ సెన్సెక్స్ 315 పాయింట్లు నష్టపోయి 79,801 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 82 పాయింట్ల నష్టంతో 24,246 వద్ద స్థిరపడింది ముగిసింది. డాలర్ తో రూపాయి మారకం విలువ రూ.85.35గా కొనసాగుతోంది. సెన్సెక్స్ 30లో ఇండస్ ఇండ్ బ్యాంక్, అల్ట్రాటెక్ సిమెంట్, టెక్ మహీంద్రా, సన్ ఫార్మా షేర్లు లాభాలతో ముగిశాయి.
