71వ జాతీయ చలన చిత్ర అవార్డు విజేతలకు ఏపీ సీఎం, డిప్యూటీ సీఎం అభినందనలు

71వ జాతీయ చలన చిత్ర అవార్డు విజేతలకు ఏపీ సీఎం చంద్రబాబు, డిప్యూటీ సీఎం పవన్ కళ్యాణ్, మంత్రి నారా లోకేష్ లు అభినందనలు తెలిపారు. ఈమేరకు సోషల్ మీడియా ‘ఎక్స్’ లో పోస్ట్ చేశారు.
ఏపీ సీఎం చంద్రబాబు:
జాతీయ ఉత్తమ నటులుగా ఎంపిక అయిన షారుఖ్ ఖాన్ (జవాన్), విక్రాంత్ మాసే (12th ఫెయిల్), జాతీయ ఉత్తమ దర్శకుడు సుదీప్తో సేన్ (కేరళ స్టోరీ), జాతీయ ఉత్తమ సంగీత దర్శకుడు జీవీ ప్రకాశ్ కుమార్ (వాతి) లకు ప్రత్యేక అభినందనలు. తెలుగు చలన చిత్ర సీమకు సంబంధించి జాతీయ ఉత్తమ తెలుగు చిత్రంగా ఎంపికైన భగవంత్ కేసరి చిత్ర దర్శకుడు అనిల్ రావిపూడికి అభినందనలు. జాతీయ ఉత్తమ యాక్షన్ డైరెక్షన్ క్యాటగిరిలో ఎంపిక అయిన హనుమాన్ చిత్ర బృందానికి, జాతీయ ఉత్తమ పాటగా ఎంపిక అయిన ఊరూ పల్లెటూరు (బలగం) గాయనీగాయకులకు, గీత రచయితకు, జాతీయ ఉత్తమ స్క్రీన్‌ప్లే రైటర్ సాయి రాజేష్ (బేబీ)కు, జాతీయ ఉత్తమ నేపథ్య గాయకుడు పి.వి.ఎన్.ఎస్.రోహిత్ (బేబీ)కు అభినందనలు.
డిప్యూటీ సీఎం పవన్ కళ్యాణ్:
71వ జాతీయ చలన చిత్ర పురస్కారాల్లో తెలుగు సినిమా రంగానికి పలు పురస్కారాలు దక్కడం సంతోషంగా ఉంది. సోదరుడు, హిందూపురం ఎమ్మెల్యే శ్రీ నందమూరి బాలకృష్ణ నటించిన ‘భగవంత్ కేసరి’ ఉత్తమ తెలుగు చిత్రం పురస్కారానికి ఎంపిక కావడం ఆనందదాయకం. ఆ చిత్ర దర్శకుడు అనిల్ రావిపూడి, నిర్మాతలు సాహూ గారపాటి, హరీష్ పెద్ది లకు అభినందనలు. ఉత్తమ వి.ఎఫ్.ఎక్స్. చిత్రంగా ఎంపికైన ‘హను-మాన్’ చిత్రం నిలిచింది. ఈ చిత్ర దర్శకుడు ప్రశాంత్ వర్మ, వి.ఎఫ్.ఎక్స్.నిపుణులకు, నిర్మాతకు అభినందనలు. ఉత్తమ స్క్రీన్ ప్లే రచయితగా నీలం సాయి రాజేష్ (బేబీ చిత్రం), ఉత్తమ గీత రచయిత కాసర్ల శ్యామ్ (బలగం), ఉత్తమ గాయకుడు పి.వి.ఎన్.ఎస్.రోహిత్ (బేబీ), ఉత్తమ స్టంట్ కొరియోగ్రాఫర్ శ్రీ నందు పృథ్వీ (హను-మాన్), ఉత్తమ బాలనటి సుకృతివేణి బండ్రెడ్డి (గాంధీ తాత చెట్టు) పురస్కారాలకు ఎంపికైనందుకు వారికి హృదయపూర్వక అభినందనలు. ఈ పురస్కారాలు చిత్ర పరిశ్రమకు నూతనోత్సాహాన్ని అందిస్తాయి. జాతీయ ఉత్తమ నటులుగా షారుక్ ఖాన్, విక్రాంత్ మాస్సే, ఉత్తమనటిగా శ్రీమతి రాణీ ముఖర్జీ, ఉత్తమ దర్శకుడుగా శ్రీ సుదీప్తో సేన్, ఇతర పురస్కార విజేతలకు అభినందనలు.
మంత్రి నారా లోకేష్:
71వ జాతీయ చలనచిత్ర అవార్డుల్లో బాలా మామయ్య హీరోగా నటించిన భగవంత్ కేసరి జాతీయ ఉత్తమ తెలుగు చిత్రంగా ఎంపిక కావడం చాలా సంతోషం. బాలా మామయ్య నటన, సందేశాత్మక చిత్రంగా ప్రేక్షకుల మన్ననలు అందుకున్న భగవంత్ కేసరికి నేషనల్ అవార్డు వచ్చిన సందర్భంగా బాలా మామయ్యకు, డైరెక్టర్ అనిల్ రావిపూడి గారికి, చిత్ర బృందానికి అభినందనలు.