తన కుటుంబ పరువు,మర్యాదలను తక్కువ చేసేలా మంత్రి కొండ సురేఖ వ్యాఖ్యలు చేశారని పేర్కొంటూ కొంతకాలం క్రితం నటుడు నాగార్జున ఆమెపై పరువు నష్టం దావా వేసిన విషయం తెలిసిందే.తాజాగా ఈ విచారణను వచ్చే వారానికి నాంపల్లి కోర్టు వాయిదా వేసింది.ఈ రోజు వ్యక్తిగత
విచారణకు హాజరుకావాలని గత విచారణ
సందర్భంగా మంత్రికి కోర్టు సమన్లు జారీ చేసింది.పలు కార్యక్రమాల కారణంగా విచారణకు హాజరుకాలేక పోతున్నట్లు మంత్రి తరఫు న్యాయవాది కోర్టుకు వెల్లడించారు.మరో తేదీ ఇవ్వాలని న్యాయస్థానాన్ని కోరారు.ఈ క్రమంలోనే తదుపరి విచారణను ఈ నెల 19కి వాయిదా వేసింది.
