ప్రధానమంత్రి నరేంద్ర మోడీతో విపక్ష నేత, కాంగ్రెస్ ఎంపీ రాహుల్ గాంధీ సమావేశమయ్యారు. పార్లమెంటు లోని ప్రధాన మంత్రి కార్యాలయంలో వీరి సమావేశం జరిగింది. కేంద్ర హోం మంత్రి అమిత్ షా, కాంగ్రెస్ అధ్యక్షుడు మల్లికార్జున ఖర్గే కూడా ఈ భేటీలో పాల్గొన్నారు. నేషనల్ హ్యూమన్ రైట్స్ కమిషన్ (ఎన్.హెచ్.ఆర్.సి) నియామకం విషయమై ఈ భేటీ జరిగింది. నేషనల్ హ్యూమన్ రైట్స్ కమిషన్ ఛైర్మన్ ను ఎంపిక చేసే కమిటీలో ప్రధాన మంత్రి, కేంద్ర హోంమంత్రి, లోక్ సభ స్పీకర్, రాజ్యసభ ఛైర్మన్, ఉభయ సభల్లో ప్రతిపక్ష నేతలు సభ్యులుగా ఉంటారు. అయితే ప్రస్తుతానికి మోడీ, అమిత్ షా, మల్లిఖార్జున్ ఖర్గే, రాహుల్ మధ్యే భేటీ జరిగింది.
