దేశీయ స్టాక్ మార్కెట్ సూచీలు నేటి ట్రేడింగ్ లో భారీ నష్టాలతో ముగిశాయి. అంతర్జాతీయ మార్కెట్ల బలహీన సంకేతాలు అమెరికా ఫెడరల్ రిజర్వు వడ్డీ రేట్ల నిర్ణయాల నేపథ్యంలో సూచీలు ఒడిదుడుకులు చూశాయి. బాంబే స్టాక్ ఎక్స్ చేంజ్ సూచీ సెన్సెక్స్ 964 పాయింట్ల నష్టంతో 79,218 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ సైతం 247 పాయింట్ల నష్టంతో 23,951 వద్ద ముగిసింది. డాలరుతో రూపాయి మారకం విలువ 85.15గా కొనసాగుతోంది. సన్ ఫార్మా , పవర్ గ్రిడ్ కార్పొరేషన్, హిందుస్థాన్ యూనీలివర్ షేర్లు లాభాల్లో ముగిశాయి.
