రాష్ట్రంలో మహిళలకు ఉచిత ఆర్టీసీ ప్రయాణం త్వరలో అందుబాటులోకి తీసుకురానున్నట్లు మంత్రి రవాణా , యువజన, క్రీడా శాఖ మంత్రి రామ్ ప్రసాద్ రెడ్డి తెలిపారు. గత ప్రభుత్వంలో ఆర్టీసీ గాడి తప్పిందని కూటమి సర్కారు ఏర్పడిన తరువాత దానిని గాడిలో పెట్టేందుకు కృషి చేస్తున్నట్లు తెలిపారు. ఆయన తాజాగా విశాఖలో పర్యటించారు. ద్వారకా బస్ స్టేషన్ ను సందర్శించి అక్కడ సౌకర్యాలు ఎలా ఉన్నాయో ప్రయాణికులను అడిగి తెలుసుకున్నారు. ఇక విజయనగరంలోని డిపో గ్యారేజ్ లో 10 కొత్త బస్సులు ప్రారంభించారు. మంత్రి కొండపల్లి శ్రీనివాస్, ఎమ్మెల్యే అదితి గజపతిరాజు తదితరులు ఈ కార్యక్రమంలో పాల్గొన్నారు.
