దేశీయ స్టాక్ మార్కెట్లు ఈరోజు ట్రేడింగ్ లో కూడా లాభాలతోనే ముగిశాయి. ఉదయం లాభాలతో ప్రారంభమైన స్టాక్ మార్కెట్లు ఆద్యంతం అదే బాటలో కొనసాగి లాభాలతో ముగిశాయి. ఐటీ, ఆటోమొబైల్ షేర్లు రాణించాయి. బాంబే స్టాక్ ఎక్స్ చేంజ్ సూచీ సెన్సెక్స్ 631 పాయింట్లు లాభపడి 76,532 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ 205 పాయింట్ల లాభంతో 23,163 వద్ద ముగిసింది. డాలరుతో రూపాయి మారకం విలువ 86.55గా కొనసాగుతోంది. టాటా మోటార్స్, జొమాటో, ఇన్ఫోసిస్, అల్ట్రా టెక్ సిమెంట్స్, టెక్ మహీంద్రా, కోటక్ మహీంద్రా, సన్ ఫార్మా, అదానీ పోర్ట్స్, ఎం అండ్ ఎం, టాటా స్టీల్ షేర్లు లాభాలతో ముగిశాయి.
